Nabarmenak

Putzuzulo Gaztetxeak aurten sei urte bete dituela-eta, Xakela Gaztetxe Asanbladako kideek ia hilabeteko egitaraua prestatu dute. Urriaren 28an ekin zieten ospakizunei, eta hilaren 26an izango da azken ekitaldia. Etzi, esaterako, Apoa antzerki taldearen proiekzioa izango da, 19:30etik aurrera. Jarraian, afari-merienda egingo dute bertaratzen direnek, eta laburmetrai emanaldiarekin amaituko dute eguna.

Hilaren 22an ospatuko dute Santa Zezilia eguna. Hori dela eta, egun horretarako jardunaldiak antolatzen ari dira. Zarauzko abesbatzei entseatzen hasteko deialdia egin diete. Etzi, hilaren 16an, eta datorren astelehenean, hilaren 21ean, egingo dituzte entsegu orokorrak. Saioak 20:00etan izango dira, Villa Munda Musika Etxeko bigarren solairuan.

Putzuzuloren urteurreneko ospakizunek aurrera darraite, eta bihar Gazte gaubela ospatuko dute. Askotariko jardunaldiak izango dira: bertso musikatuak, dantza garaikidea eta poesia, besteak beste. Astindu! bideoa estreinatuko dute eta Karma taldeak kontzertua eskainiko du. 21:00etan hasiko da ekimena.

Abenduaren 17an ospatuko da Santo Tomas eguna Zarautzen eta txistorpostua jartzeko deialdia egin dute. Antolatzaileek eskatzaileen baldintzen arabera aukeratuko dute nork eskuratuko duen postua. Batetik, bi urtean jarri ez duen taldeek izango dute lehentasuna. Bestetik, zein diru-laguntza jasotzen duen baloratuko da, baita euskararekin duen harremana ere .

Zortzigarren urtez jarraian, Pagoeta Mendizale Elkarteak eta Arkamurka Natur Elkarteak Abentura Astea antolatu dute elkarlanean. Herritarrek datorren astelehenetik hasi eta ostiralera bitartean herritik mugitu gabe mundu zabaleko hainbat txoko ezagutzeko aukera izango dute. Horretarako, ikus-entzunezko emanaldi sorta antolatu dute, hainbat herritarrek egindako bidaien inguruko materialekin osatuta. Saioak Pagoeta Mendizale Elkarteak Santa Marina kaleko bigarren zenbakian [...]

Jabetze Eskolak Biodantza, zure baitan dagoen mugimendua ikastaroa antolatu du. Antolatzaileen arabera, biodantzak «norberaren gorputza ezagutzen» laguntzen du, «modu dibertigarrian». «Bizitzaren zientzian» oinarritutako diziplina da, eta musika, dantza eta mugimenduaren bitartez bizipenak eragitea du helburu. «Arrazoitik abiatzen ez den errealitatea ezagutzeko modua da». Hilaren 18an, ostiralean, hasiko dute biodantza ikastaroa, eta martxoaren 30era arte iraungo [...]

Zarauzko Udala hurrengo urteko aurrekontuak lantzen hasi da, eta horretarako herritarrekin bilduko da datozen egunetan. Bihar, osteguna, esaterako, Mitxelenako bizilagunekin bilduko dira udal ordezkariak, auzoko lehentasunak zehazte aldera. Mitxelenako auzo elkartean (Mitxelena kalea 35, behea) izango da bilkura, 19:30etik 21:00etara.

1961.ean jaiotakoek 50. urtemuga ospatze aldera, ekitaldia antolatu dute hilaren 26rako. Eguerdian, Galeperra elkartean hamaiketakoa egingo dute. 14:00etan Aiten Etxen elkartuko dira, argazkia atera eta bertan bazkaltzera. Bertan parte hartzeko 2101-0076570012900130 kontuan 75 euro sartu beharko dituzte azaroaren 12a baino lehen.